Audiometriya

Audiometriya — bu tovushlarni eshitish qobiliyatini turli chastota va balandliklarda tekshiruvchi asosiy diagnostika usuli. U eshitish darajasini aniqlash, qaysi tovushlar zaif eshitilishini belgilash va eshitish pasayishining turini aniqlashda juda muhimdir.

Kimga kerak?
Eshitishida o‘zgarish sezgan bolalar va kattalar, shovqin (tinnitus) bilan qiynalayotgan bemorlar, shuningdek, eshitish moslamasi tanlanayotgan mijozlarga tavsiya etiladi.

Qanday o‘tkaziladi?
Bemor maxsus tovush o‘tkazmaydigan kabinada o‘tiradi. Quloqqa qo‘yilgan naushniklar orqali turli balandlikdagi tovushlar beriladi. Bemor eshitgan tovushini tugma bosish yoki qo‘l ko‘tarish orqali bildiradi. Shuningdek, suyak o‘tkazuvchanligi audiometriyasi ham o‘tkaziladi.

Tayyorgarlik:
Maxsus tayyorgarlik talab qilinmaydi. Tekshiruvdan oldin quloqda mum bo‘lmasligi yaxshi.

Natija nima deydi?
Audiogramma orqali:

• Eshitish darajasi

• Eshitish pasayishining turi (o‘rta quloq, ichki quloq yoki aralash)

• Qanchalik darajada eshitish moslamasi kerakligi aniqlanadi.

Davomiyligi:
O‘rtacha 10–20 daqiqa.